لە ٦ی شوباتی ۲۰۲۳، تورکیا تووشی دوو بوومەلەرزەی وێرانکەر بوو کە کاریگەری لەسەر ۱۱ پارێزگای تورکیا و باکوری ڕۆژئاوای سوریا هەبوو، کە ئەو ئاستەنگانەی زیاتر کرد

بەپێی تۆمارە فەرمییەکان، زیاتر لە ١٥ ملیۆن کەس ڕاستەوخۆ زیانیان بەرکەوتووە، کە دەکاتە ١٦٠٤٪ی دانیشتوانی تورکیا

قودرە ۲ بەردەوامە لە پشتیوانیکردنی شارەوانییەکان لە هەوڵەکانیان بۆ چاکبوونەوە لە کاریگەرییەکانی بوومەلەرزەکە و دابینکردنی پێداویستییەکانی کۆمەڵگەکانیان. ئەنجامی ئەرێنی پشتیوانی ئێمە بۆ بەهێزکردنی هەستانەوەی شارەوانییەکان لە ڕێگەی هەوڵەکانی شارەوانییەکان لە ماوەی چاکبوونەوەدا ئاشکرایە

دوای بوومەلەرزەکە،  شارەوانییەکان زۆرترین زیانیان بەرکەوتووە و هەڵسەنگاندنی پێویستیەکانیان ئەنجامداوە و پڕۆژەکانی پاڵپشتی کۆمەڵگە ئامادەن بۆ وەڵامدانەوەی پێداویستییە تازەکان بە باشترین شێوازی کاریگەر

یەکێک لە نموونەکان پاڵپشتی کردنی کودرە ۲یە بۆ نانەواخانەکان. بوومەلەرزەکان زیانیان بە ژێرخانی ناوچەکە گەیاندووە، لەوانە نانەواخانەکانی شارەوانییەکان، کە بە شێوەیەکی ئاسایی نانی کۆمەککراو بۆ کۆمەڵگە ناوخۆییەکان دابین دەکەن. ئەمەش بووە هۆی کەمبوونەوەی نان لە ناوچەکەدا لەم کاتە سەختەدا. شارەوانییەکانی سوروچ، کاهرەمانماراس و حەلیلییە پڕۆژەکانی پشتیوانی کۆمەڵگەکەیان گونجاند بۆ دابەشکردنی نان بە خۆڕایی بۆ ئەوانەی بەهۆی بوومەلەرزەکەوە زیانیان بەرکەوتووە. لە هەندێک ناوچەدا نانەواخانەیەکی گشتی دروستکرا بە پاڵپشتی قودرە ۲، نانەواخانەکان توانای بەرهەمهێنانی زیاتر لە ۵۰۰۰ نانیان هەیە لە ڕۆژێکدا بۆ دابەشکردنی بەسەر خێزانە دراوسێکاندا

قودرە ۲ لە تورکیا پشتیوانی شارەوانییەکان دەکات بۆ بەهێزکردنی تواناکانیان لە وەڵامدانەوەیان بۆ قەیرانەکان و پلاندانان بۆ باشتر مامەڵەکردن لەگەڵ پێداویستییە تازەکان کە بەهۆی کارەسات و ململانێ و قەیرانەکانی دیکەوە دروست بوون

بەهێزکردن بۆ داهاتوویەکی یەکسان

شارەوانی یورگیر هەنگاو دەنێت بۆ فراوانکردنی توانای چێشتخانەکان لە ماڵە کولتوورییەکانیدا بۆ زیادکردنی ژمارەی ئەو خواردنانەی ڕۆژانە لە ٢٠٠٠ خێزانەوە دابەش دەکرێن بۆ ٦٠٠٠ خێزان لە ڕۆژێکدا. ئەم چێشتخانەیە پێشتر ڕاهێنانی پیشەیی بۆ ١٣٥ ژنی تورکی و سوری دابین کردووە. لەگەڵ زیادبوونی توانا، چاوەڕوان دەکرێت ژنانی زیاتر سوود لەم پڕۆژەیە وەربگرن

لە هەوڵێکدا بۆ پاڵپشتی زیاتر لە هەردوو کەسانی ناوخۆیی و پەنابەران، شارەوانییەکە سەنتەرێکی چێشتلێنانی دامەزراندووە کە ڕاهێنانی پیشەیی لە بواری خۆراکدا پێشکەش دەکات. ئەم ڕاهێنانە ئەو کەسانە ڕێک دەکاتەوە کە شارەزاییان هەیە بۆ دەستپێکردنی کارەکانیان و بەدەستهێنانی بژێوی ژیان. پێکهاتە فیزیاییەکانی چێشتخانەکان، وەک تەباغ و کەپری سێبەر دروستکراون، و بە پاڵپشتی قودرە ۲، کەرەستەی پێویست بۆ چێشتلێنان بۆ شارەوانیەمە دابین دەکرێت

ئامانجی ئەم دەستپێشخەرییە دروستکردنی هەلی کار و بەهێزکردنی کۆمەڵگایە لە ڕێگەی پەروەردە و ڕاهێنانی پیشەیی لە پیشەسازی خۆراکدا

لە عێراقدا، قودرە ۲ وێببینێکی ڕێکخست بۆ کارمەندانی بەڕێوەبەرایەتیەکان و ڕێکخراوە ناحکومییە ناوخۆییەکان (ڕێکخراوە ناحکومییەکان لەسەر چۆنیەتی دروستکردنی بینای گشتی بۆ کەسانی خاوەن پێداویستی تایبەت)

لەمانگی ئازاری ۲۰۲۳، قودرە ۲ هەنگاوێکی گرنگی نا بەرەو برەودان بە تێکەڵبوون لەگەڵ “گەیشتن و دیزاینی گشتگیر لە بینا گشتییەکاندا” کە بۆ ستافی بەڕێوەبەرایەتییەکانی حکومەت و ڕێکخراوە ناحکومییە ناوخۆییەکان ڕێکخرا

ئامانجی سەرەکی ڕاهێنانی پەرەپێدانی توانای تەکنیکی ئەوە بوو کە توانای کەسانی خاوەن پێداویستی تایبەت بەهێز بکات بە ڕێگەدان بە گەیشتن بە هەموو دامەزراوەکان لە بینا گشتییەکان بە شێوەیەکی سەربەخۆ بەبێ پێویستی بە یارمەتی. بە ئامادەکردنی بەشداربووان بە شارەزاییە سەرەکییەکان لە بەڕێوەبردن و پاراستنی ژێرخانی گشتگیر، ڕاهێنانەکە یارمەتییان دا بۆ باشترکردنی شارەزاییەکانیان لە بواری لەخۆگرتن

کاریگەری وێبینەرەکە سنوورەکانی فراوان بوو، بە بەشداری ئامادەبووان نەک تەنها لە عێراق، بەڵکو لە تورکیا و ئوردن و ئەڵمانیاشەوە. وێببینەرەکە هەوڵێکی باش بوو بۆ برەودان بە دەستگەیشتن و دیزاینکردنی گشتگیر لە بینا گشتییەکاندا، وەک بەشێک لە پابەندبوونی قودرە ۲ بۆ پشتگیریکردنی حکومەتە ناوخۆییەکان بۆ دروستکردنی ژینگەیەکی گشتگیرتر

وەکو بنەمایەکی ڕێنیشاندەر، قودرە ٢ کارکردنی هاوبەشی کۆمەڵگە ئەولەویەتی پڕۆژەکانیەتی. لە نزیکەوە لەگەڵ هاوبەشە ناوخۆییەکانمان و کەرتەکانی بەڕێوبەرایەتیەکان کاردەکەین بۆ ناساندنی پێداویستیەکانی کۆمەڵگە و دڵنابوون لەوەی کۆمەڵگەکان بەژدارن لە هەڵسەنگاندن، پلاندانان و جێبەجێکردنی (QIPs)

بۆ باشترکردنی بارودۆخی ژیانی کۆمەڵگاکان لە ڕێگەی باشترکردنی خزمەتگوزاری و ژێرخانە بنەڕەتییەکان (QIPs) لە عێراقدا، بەرنامەی قودرە ۲ پێداویستییەکانی کۆمەڵگەکان چارەسەر دەکات لە ڕێگەی پڕۆژەکانی کاریگەری خێرا

وەکو بنەمایەکی ڕێنیشاندەر، قودرە ۲ ئەولەویەت بە بەشداریکردنی کۆمەڵگا دەدات بۆ دروستکردنی گۆڕانکاری ئەرێنی. لە نزیکەوە لەگەڵ هاوبەشە ناوخۆییەکانمان و کەرتەکانی بەڕێوبەرایەتیەکان کاردەکەین بۆ ناساندنی پێداویستیەکانی کۆمەڵگە و دڵنابوون لەوەی کۆمەڵگەکان بەژدارن لە هەڵسەنگاندن، پلاندانان و جێبەجێکردنی (QIPs)

ئێمە پشتیوانی لە هاوبەشەکانمان دەکەین بۆ سیستەماتیکیکردنی بەشداریکردنی کۆمەڵگا لە ڕێگەی کۆبوونەوە ناوخۆییەکانەوە. کۆبوونەوەکان پلاتفۆرمێک بۆ ئەندامانی کۆمەڵگە دابین دەکەن بۆ گفتوگۆکردن لەسەر کاریگەرییەکانی داهاتووی (QIPs) کە جێبەجێکراون و دۆزینەوەی ڕێگاکان بۆ بەردەوامبوونی ئەم کاریگەرییە ئەرێنییە

هەروەها ئێمە پشتیوانی لە دەسەڵاتدارانی ناوخۆ دەکەین بۆ دۆزینەوەی ڕێگاکان بۆ باشترکردنی بەشداریکردنی کۆمەڵگا لە پلاندانان و پرۆسەی جێبەجێکردن و بەهێزکردنی پەیوەندی نێوان بڕیاردەران و کۆمەڵگەکان

کۆبوونەوەکان لەگەڵ هاوبەشە ناوخۆییەکانمان بە هەماهەنگی لەگەڵ بەڕێوەبەرایەتییەکانی کەرت لە شوێنە گشتییەکان وەک سەنتەرە تەندروستییەکان، قوتابخانەکان یان دامەزراوەکانی شارەوانییە هاوبەشەکان ڕێکدەخرێن. سەرۆک و نوێنەرانی ئەنجومەنی نوێنەران و ئەندامانی ئەنجومەنی نوێنەران ئامادەی کۆبوونەوەکان دەبن

بە پاڵپشتیکردنی شەفاف و گشتگیر بۆ خزمەتگوزارییە بنەڕەتییەکان، قودرە ۲ بەشداری دەکات لە خۆشگوزەرانی تاکەکان و پێکەوەژیانی کۆمەڵایەتی و سەقامگیری لە کۆمەڵگاکاندا

فەتینا ئەبش تاکە کەسی ١٢ ساڵان بوو کە ناچار بوو لە سوریا هەڵبێت لە ساڵی ٢٠١٢ لەگەڵ هەشت خوشک و برادا. تەنها جل و بەرگی جانتاکەی پشتی هەڵگرتبوو. لەگەڵ تەمەنە بچوکەکەی، فەتینا هەمیشە بیرکردنەوەی بازرگانی هەبوو و سوور بوو لەسەر ئەوەی داهاتوویەکی باشتر بۆ خۆی و خانەوادەکەی دابین بکات

دەستیکرد بە گەڕان لەدوای کاردا بۆ دابینکردنی داهات و یارمەتیدانی خانەوادەکەی لە کاتێکدا تەمەنی ١٦ ساڵان بوو. یەکەم کاری ڕاستەقینەی لە پێشانگایەکی جوانکاری ناوخۆیی بوو لە گەڕەکەکەیدا. لەگەڵ ئەوەشدا، هەمیشە دەیزانی کە خەونی گەورەتری هەبوو و دەیویست پێشانگای خۆی بکاتەوە

لە مانگی یەکی ساڵی ٢٠٢٢، بەژداری سکۆڵەرشیپێکی کرد کە لەلایەن کۆمپانیای هاوبەشی ناخۆیی نێودەوڵەتی بۆ کارکردن و ڕاهێنان پێشکەشکرابوو، کە شارەزایی گەشەسەندنی پێشکەش دەکرد. لە کۆرسی جوانکاری میکیاژکردن وەرگیرا و ئەمەی وەکو دەرفەتێک بینی بۆ بەرەو پێش چوون و بوون بە پیشەگەرێکی پیشەیی و سەرکەوتوو

بە بنیادنانی ئەزموونی پێشینەی لە بواری جوانکاریدا، فەتینا فێربوو چۆن بازرگانیەکی بچووک بەڕێوە ببات لەم کۆرسەدا. لە ماڵی خۆیدا پێشەنگایەکی جوانکاری دامەزراند. بەزانینی کەمی دەرفەتی کارکردن لە بازاڕدا، فەتینا دوو هاوڕێی خۆی بانگهێشت کرد تاوەکو لەگەڵیدا کار بکەن و بە زوویی بوون بە کارگوزای هەمیشەیی لە پێشەنگاکەیدا، ڕووحیەتی سەرکردایەتی و بازرگانی خۆی پیشان دەدات

لەبارەی گەشتەکەیەوە، وتەکانی فەتینا کاریگەری لەسەر ئەوانی تر هەیە: “ئەگەێ لەژیاندا هیوات لەدەستداوە، پێویستە دووبارە بەدەستی بهێنیتەوە. ئەم بەرنامەیە ئارەزووی بۆ ژیانی من گەڕاندەوە و ڕوانگەیەکی نوێی پێدام. کاتێک بیر لە داهاتوو دەکەمەوە، هەست دەکەم هەموو شتێک باش دەبێت، وە دەبێت بۆ هەمووتان بەم شێوازە بێت”

چیرۆکی فەتینا بەڵگەیەکە بۆ خۆڕاگری، سووربوون و کارسازی هەوەکو ئەو چۆن سەرکەوتوو سەرەڕای چەندین ئاستەنگ لە ڕێگاکەیدا

قودرە ٢ بەیەکەوە لەگەڵ هاوبەشە ناوخۆییەکەی، کۆمپانیای نێودەوڵەتی کارکردن و ڕاهێنان (NET) دەستیانکرد بە پێشکەشکردنی خولی ڕاهێنانی ٥ مانگە بۆ ٣٥٠ کەسی ئوردنی و سوری لە “ناساندنی فێربوونی هەڵسەنگاندن و بڕوانامە بۆ پەنابەرانی ئوردنی و سوری” ئامانجی خولەکە بەدەستهێنانی توانا و بەهرەی پێشوەختەیە لە چەندین کەرتی وەکو بیناسازی، پیشەسازی، کشتوکاڵی، جوانی و جوانکاری

ڕاهێنانەکە ئامانجی پێشکەشکردنی زانیاری بنەڕەتیە بە بەژداربووان لەو کەرتانەی کە ئاماژەیان بۆ کراوە، بۆ پێشخستن و دابینکردنی بڕوانامەی پیشەیی (نیمچە شارەزا و لێهاتوو)، کاتێک کە ڕاهێنانەکەیان تەواو کرد، بەژداربووان تاقیکردنەوەیەکی شارەزایی دەکەن بۆ پێشکەشکردنی داواکاری بڕوانامە لە کۆمسیۆنی گەشەپێدانی تەکنیکی و پیشەیی (TVSDC)

بەرنامەی ڕاهێنانەکە پێکهاتەی پیشەیی لەخۆ دەگرێت کە پێویستە بۆ ئەوەی فێرخوازان ببنە کەسانی شارەزا و کرێکاری شارەزا لەو پیشانەی هەڵیدەبژێرن. هەر بەرنامەیەکی ڕاهێنان دابەش دەبێت بۆ سێ بەش: ڕاهێنانی تیۆری، ڕێنمایی پیشەیی و ڕاوێژکاری سەلامەتی و تەندروستی (OSH)، هەروەها خولی ڕاهێناتی تیۆری و پراکتیکی

قودرە ٢ و هاوبەشە ناوخۆییەکەی، لومینەس بۆ گەشەپێدانی کۆمەڵایەتی (LMNS)، دەستیکرد بە پێشکەشکردنی ڕاهێنانی ٤ مانگەی کوالێتی بەرز لە بەشی میوانداری بۆ ٨٢ گەنج کە زیاتر لە ڕێژەی ٥٠٪ ئافرەتن

قوتابیان بۆ ماوەی چوار مانگ بەژداری بەرنامەی میوانداری دەکەن کە پارێزی خۆراک وخۆراکزانی، تەکنیکەکانی خزمەتگوزاری خۆراک و خواردنەوە، و شارەزایی قاوە گرتنەوە. بەرنامەکە گەنجاوە لەگەڵ پێداویستیەکانی تاقیگە پزیشکیەکان. شارەزاییە تەکنیکیەکانی بەرنامەکە پشتگیری دەکرێت بە شارەزایی ئەلیکترۆنی، شارەزایی ئەنجامدانی کاری پزیشکی و شارەزایی زمانی ئینگلیزی

قودرە ٢ لە لوبنان پشتگیری وەزارەتی کاروباری کۆمەڵایەتی دەکات بۆ گەشەپێدانی دەرفەتی پاراستن بۆ منداڵان، پەکەوتە و کەسانی بەساڵاچوان. ئێمە بە هاوکاری چەندین ڕێخراوی ناحکومی ناوخۆیی و هەرێمی و سەنتەرەکانی گەشەسەندنی کۆمەڵایەتی چواردە ساڵان دەکەین لەسەرانسەری لوبنان

بە هەماهەنگی لەگەڵ ڕێخراوی (NGO) ناوخۆیی یارمەتی تەبیثە و بە هەماهەنگی لەگەڵ سەنتەری گەشەپێدانی کۆمەڵایەتی غەزیر کۆبونەوەیەکی هۆشیاری بۆ بەساڵاچوان ڕێکخرا بۆ دووپاتکردنەوەی گرینگی هاوسەنگی خۆراک پارێزی. لە کۆبوونەوەکەدا، کەسانی بەساڵاچوو زانیاریان وەرگرت دەربارەی پلانی خواردنی گۆشت و دروستکردنی بژاردەی خۆراکی تەندروست.دەرفەتی گفتوگۆکردنی پرسیارەکانیان هەبوو دەبارەی خواردنی تەندروست لەگەڵ دکتۆری خۆراک پارێزی. هەروەها کتێبی ڕێنمایی دەربارەی خواردنی خۆراکی تەندروست بڵاوکرایەوە وەکو سەرچاوەی داهاتوویان

لە ئوردن، قودرە ٢ بەردەوامە لە پاڵپشتی بۆ پەرەپێدان بە مۆدێلێکی بەڕێوەبردنی دامەزراوەیی بۆ قوتابخانەکان لە باکوری ڕۆژئاوای بادیا. قودرە ٢ خولێکی دوو ڕۆژەی ڕاهێنانی تەکنیکی لەسەر بەڕێوەبردنی دامەزراوەکە، ئاسایش، تەندروستی و سەلامەتی ئەنجامدا بەلایەنی کەمەوە بۆ ٢٢٨ کارمەندی پەروەردەیی لە قوتابخانەکان و وەزارەت

بەژداربوان ٩٩ بەڕێوبەری قوتابخانە، ١٢٢ مەمۆستا و ٧ ستافی لە بەشی بنیادنان لەخۆ گرتبوو لە بەڕێوبەرایەتی ناوچەی باکوری ڕۆژئاوای بادیا

ڕاهێنانەکە ئامانجی بەرزکردنەوەی ئاستی هۆشیاری فێرخوازان بوو لە بارەی بیرۆکەی بەڕێوەبردنی قوتەبخانە و ئاستی سەرەتایی، یامەتیدانیان بۆ ناساندنی ئەولەویەتەکانیان و پێداویستی قوتابخانەکان پەیوەندیدار بە نۆژەنکردنەوەی باڵەخانەکان و دەرخستنی مەترسی پەیوەندیدار بە تەندروستی، ئاسایش و سەلامەتی منداڵان

ئەم خولە سەردانی مەیدانی لەخۆ دەگرێت بۆ پاڵپشتی ئەو قوتابخانانە بۆ ئەنجامدانی چالاکی کە یارمەتی بەرەو پێش چوون و بەرزبوونەوەی دەمەزراوەی قوتابخانەکان بە پشتبەستن بە پێداویستی و مەترسیە زانراوەکان و بۆ وەرگرتنی دامەزراوەی بەڕێوەبردنی ئاستی سەرەتایی وەکو بنەمایەک بۆ پێشخستنی ژینگەی فێربوونی جەستەیی

بەرنامەی قودرە ٢، بە هەماهەنگی لەگەڵ (Thinking Oasis) زانست، تەکنەلۆجیا، ئەندازیاری و بیرکاری (STEM) بەرنامەی پەروەردەیی ڕاگەیاند، لە ڕێگای ئەنجامدانی وۆرکشۆپی ڕاهێنانی ڕاهێنەران (ToT) بۆ ڕاهێنەرە لاوە ٦ ساڵانەکان

وۆرکشۆپەکە ئامانجی بنیادنانی توانای ڕاهێنەران بۆ ئەنجامدانی چالاکی (STEM) لە دەرەوەی قوباخانە بۆ منۆاڵانی تەمەن ١٠ بۆ ١٤ ساڵان، تاوەکو یارمەتیان بدەن بیرکردنەوەی ڕەخنەگرانەیان و توانای چارەسەری کێشەکان پێشبخەن لە ڕێگای ئەنجامدانی پڕۆژەی پشت بەستوو بە چالاکیەکان کە منداڵان هەندەدات بۆ چاودێریکردن، هەڵسەنگاندن، ڕوونکردنەوە و جێبەجێکردنی زانیاری

قودرە ٢ هاوبەشی کرد لەگەڵ (Thinking Oasis) بۆ پێشخستن و ئەنجامدانی بەرنامەیەکی پەروەردەیی (STEM) لە چەندین شوێنی ئوردن. بەرنامەکە لە چەند قوتەبخانەیەکی گشتی جێبەجێ دەکرێت بە ڕەزامەندی وەزارەتی پەروەردە و ڕێخراوە ناحکومیەکان بە هاوبەشی چەندین دەزگای خزمەتگوزاری ناوخۆیی

بەرنامەی (STEM) پڕۆژەیەکی پەروەردەییە کە تیشک دەخاتە سەر قوتابیانی تەمەن ١٠ بۆ ١٤ ساڵان وایان لێ دەکات فێری شارەزایی ببن وەکو کۆدسازی، بەرنامەسازی، ڕۆبۆتیک وێنەکێشانی 3D کە دەبێتە یەکێک لە گرینگترین زانیاری و شارەزایی بۆ ئەم نەوەیە بۆ وەرگرتن و شارەزایی لەگەڵ بەرەوپێشچوونی خێرای تەکنەلۆژیا

لە ئوردن، بەرنامەی قودرە ٢، بە هاوکاری(BMZ) پاڵپشتی دارایی بەرنامەی “وەرزش بۆ پێشکەوتن” کرد، جێبەجێکرا لەلایەن (GIZ)، بەردەوامە لە پاڵپشتی زیاتر لە ٩٠٠٠ منداڵی هەژار لە کۆمەڵگەی خانەخوێ و پەنابەرە سوریەکان لە ٢٥ قوتابخانە کە دەکەونە پارێزگاکانی عەمان، زەرقە، مەفرەق و بەڵقە، بە جێبەجێکردنی زنجیرەیەک چالاکی تۆپی پێ و پاڵەوانێتی فریسبی لە کات و دوای کاتی دەوامی قوتابخانە

٥٠ مامۆستای ڕاهێنراو و ٢٥ قوتابخانە بەژداری وۆرکشۆپێکیان کرد کە ئامانج لێی پشت بەستن بوو بە زانیاری و پێشخستی تواناکان بوو بۆ دابینکردنی کەشێکی سەلامەت، هاوڕێیانە و پاڵپشتیکەر بوو بۆ پێشکەشکردنی هەلی یەکسان بۆ منداڵانی هەژار لە تەمەن جیاوازەکانی گروپەکان، بەبێ گوێدانە ڕەگەز، باری کۆمەڵایەتی و پێشینەی کلتوریان بۆ بەژداریکردن لە چالاکیە وەرزشیەکان

وەرزش بۆ پێشکەوتن ڕاهێنانی بە ٢٠ قوتابی لاو کرد وەکو “سەرکردە لاوەکان” کە یارمەتی مامۆستاکان و ڕاهێنەرەکان دەدەن لە جێبەجێکردنی چالاکیە وەرزشیەکان لە قوتابخانە گشتیەکانی ئوردن. زیاتر لە ٥٠ قوتابی زانکۆ ڕاهێنانیان پێکرا لە سیستەمی وەرزش بۆ پێشکەوتندا، بەژداریکردن لەڕێگەی وەرزشەوە و چۆن پلان دابنێیت و ڤیستیڤاڵە وەرزشیەکان بەڕێوەببەیت. قوتابیە ڕاهێنراوەکان چالاکی وەرزشی فریسبی بەڕێوەدەبەن بۆ منداڵانی هەژار لە ناوەندەکانی کۆمەڵگەکان، جگە لە ئەنجامدانی ڤیستیڤاڵی وەرزشی